منتديات عراقنا
X

الشعر الشعبي العراقي واشعار شعبية عراقية الشعر الشعبي العراقي , اشعار شعبية عراقية جديدة 2014 .

إضافة رد
 
أدوات الموضوع انواع عرض الموضوع
قديم 02-11-2013   #1
3allaszead
مدير سابق
 
الصورة الرمزية 3allaszead
 
الملف الشخصي:
تاريخ التسجيل: Feb 2013
رقم العضوية: 4
المشاركات: 578

تقيييم العضو:
قوة التقييم : 10
3allaszead غير متواجد حالياً
23 اشعار عراقية وطنية 2013

اشعار عراقية وطنية 2013













يا بلد جمع من كل جنس و لون
شلون ترابك يا عراق يهون
انت الأصل انت الروح و الملقى
و غيرك يا عراق صدك ابد ما نلقى
انت السلام انت الوفا
انت المحبة و الدفا

يبتهج القلب بلقياك
و ما يقدر على فركاك
يا عراق لو العالم كلة انهار
لغيرك العين ما تدمع نهار
صدك لو يهون العالم و ناسه
يبقى الك القلب لآخر انفاسه
و لو ضاعت الروح ((فداك))
صدك ما بيوم انساك
انا الشراي للخوه بلا كم
اوابد ما يسوى كل عمري بلا كم
اذا مره نزل لينه بلاكم
مثل الجنه ونفتحت عليه
زماني بسيف مت عني علي راد
وهمي اشماجفل عني علي راد
ادور الي يجاوبني علي راد
ويضمد اجروح ما الهن شفيه
زماني علي سيف الظلم سله
ومو بس هاي شج بالعين سله
رغم هذا وجسمي القهر سله
كمت وي اخوتي وشلت الاذيه
عجيبة شگد تعب گـلبي ولا أنْ
ولا مـرة عرف يـحمل ولائينْ
يصاحب يا درب ماشي والى أين
تروح وتـجفي كليبي العليل
يراكب اسرع الممشه وبلي جد
لخويه تكله و اتخبره باليجود
تمنيت الطفوف اتظل باليجود
ويواسي بمهجة والروح أخية
بلساني العليل ايلوج يـوماي
ومن حزني گرب للموت يوماي
دمعة حزن تهمي العين يـوماي
اهل ادمـوعي دم لبن الزجيـه
طوه ضلعي على العريس واحنه
وحنين النوگ احن اعليه واحنه

تحـني الـوادم الجفين واحنه
نحـني اجفوفنـه ابـدم المنيه
مثل حزني حزن ما شفت والماي
ولا تـلاوم عليـه محب والماي
عجيبه من الفرات انحرم والماي
ابويه عراق و افدي بل منيه
ابيوم اهلال شهر الحزن منهل
بجيت آنه وجريت الدمع منهل
تـذكرني الغرب ابيوم منهل
على الفراك حتى كليبي كطعته
غريبه ولاوطن عندى ولادار
وحولك ما خلص يبني ولادار
يبني اجفاك مرمـرني ولادار
بحليبك ياحبيب تعود اليه
وليدي راح من ايدي واهو شاب
وشاب الراس لفراگه وهو شاب
ما شب نـار دلالي وهو شـاب
نيرانـي ورحل مـن بين اديـه
شجيت انه وجريت الدمع منهال
وحنيت الضلع يوم الصاح منهال
صحت ويلاه يا ويلادي منهال
عليكم صحت وين الي يجاوب عليه
يخويه الضمه نار احرگت يوفـي
عرفنه اللى يواعـد وعد يوفـي
حاشاه العـزيز ايخون يوفـي
ابن امي نفس نهض ا ليـه
شكول للحر ما واحد نجلهـا
وچم حره انچتل باالعراق نجلها
المدينه ما نحب نوصل نجلها
نريد انخيم بـوادي الـمنيه
كثيره اجروح يبن امي ترابيك
عفت الدار وعيوني ترابيـك
چانت تسهر ليالي وترابيك
متكلي اشوكت اتعود اليه
انگطع حبل الوصل بيني وبينه
وذخرته والـعمد هّو وابينـه
إلمن اشتكـي هـمي وابينه
واخبره اشوكت ايعوّد عليـه
جروحك بيش اداويهن والفهن
مو جرحين حتى اگعد والفهن
حايرانه بعدهن ولفهن
وراحن اجروحي كلهن عليه
توجّل گـلب الحنينـه علمها
يولي وحست بـوحشه علمها
ساعه من وگع الحبيب علمـها
لطمت عـالوجه منين يرجع اليه
قطار العـز تعدانـه ومـرنـه
وعلينه مـا نشد واحد ومرنـه
عگب عينك يا صاح وامرنـه
بـهاى انفوضه لـرب البريـه
علينه اطلع يبو صالح ولمنـه
تراها الناس ماداوت والمنـه
انت الامـل يلغايب والمنه
وبلسم انت لجروحي الخفيه
تركني الدهر بـالغربه بلاسم
وضعف حيلي ومرد چبدي بلاسم
واكيد الفرج لجروحي بـلاسم
يبلسمها ويـرد روحـي الـيه
تمر انخاك يا عراقي عليهـم
واخبرك كلب كل منهم عليهم
وطنه الكل جفت عنه وعليهم
گلبي وگـربت منـه المنيـه
الك بگلوبنه من الشعر نـادي
رطب ذ*** بگلب المحب نادي
يا عراق بيوم الحشر نـادي
محبينك يـجوك اعلى النديـه
ربينه اعلى حبك احنه علينـه
نصيح بشده لـوطحنه علينه
يا عراق جـارت الدنيـا علينه
ورمتنه بـدار غربه واجـنبيه
انامر بالصبر روحي ونهواى
وكثير اتعد مصايبها ونهواى
الوادم بالهوه اتساهر ونهواى
يعتني بيك صبح ومسـيه
انا مو عن طمع جيتك وانحبيت
سعيت ازحوف اجي لگبرك وانحبيت
جرت لحبك ادموعي وانـحبيت
اون وابچي على فراكك عليه
يربي لحضرت الـمولى ودينه
نـوفي انذورنـه ل الله ودينه
يربي اصدورنه ضاگت وادينه
الك مرفوعه تدعي بكل مسيه
يا صاح الدهر عگبك هضمني
وطحني ابين چفينه هضمـني
اتمنه افتح لحـد گبرك ها ضمني
ودخلصني يا بويه داروا عليـه
يا عراق تحن الك عيني و نهباي
يعاني الگلب لفراگ ونبهاى
تحن لزيارتك روحي وان بهاى
اغـص بعبرتي صبح ومسـيه
حنيني ليك يا عراق هوايه
ودمعي الماخلص بحره هوايـه
حبك علم صار النـه هوايـه
كتبها اعلى الگلب رب البريه
ننخه باسمك احنه تـرى دوم
ونهل دمع الحزن لجلك ترى دوم
چم مره انصدع گلبي وتـرادم
ويّ الصـبر والهـم والاذيـه
حسبـه تروح عني والف يبرن
وما صدگ اجروح الگلب يبرن
وحكك طابن اضلوعك ويبرن
وانه لسـا اضلوعي اتعن عليه
احن لفراگك ابن امي واناصيح
الك ماضل ضلع سالم وناصيح
يخي چنت النه وانـاصيح
وعگبك مابجت اخواني عليه
تعال وشوف كلبي من بعدكم
حزين ومايحب احد بعدكم
لوطال العمر وانتو بعدكم
يضل حبكم بكلبي للمنيه
اشلون انساك وانت ماي عيناي
اخوي اولليضدني بيك عيناي
اتمنى ليك كل مصباح عيناي
ولكن ما يصح وصلك بدية
يميني الك ممدوده ويسراي
اخوي انت ابعسر حالي ويسراي
قيس انت سر الوادم وي سراي
اليعجبك والتريده بس كوله اليه
كبر العمايـم تصدعنـي بغيـر اصـلاح
شطـار في لفـها لكـن بغيـر اصـلاح
في طيها الجـهل مع سـاس الغبـاوة لاح
شـي الفايـدة هالكبـر لفـه بليـا نـفع
لا منفعـه للوطـن لا علـم بـه منتـفع
ما همهم غير قرض العرض وتر وشـفع
فليسقط اللاف وليحيى العظيـم اصـلاح
عليه اسهام وكتي النوب ينجال
اوماضل عدل بالميزان ينجال
سألته لحم اخوك الميت ينجال
يكلي الوكت شرعا حلال اليه
نصحته اولا نفـــع وياه نصحاي
سكاره احنه بهــواه مابعد نصحاي
جفاني وصرت نصي ميت نصحاي
نحيـــل ولا اثــــر لحمات بيه
روحي والهوى ودنياي وعداي
واشلون اشيل الجدم وعداي
صابر وانتظر واشـوف وعداي
ابفرح لو دوم وكـتي محيط بيه
العاذل غير اطباعك ولاشاك
وتخاصمنا وصرت خسمي ولاشاك
الذهب غيرك على احبابك ولاشاك
وخصام انكلب كل ودك عليه
إجبود ابجمر من الوكت ملت
وكَلوب الناس من الهجر ملت
مرابط خيلك من الخيل ملت
وبيض اسيوفكم امست صديه
يادنيا ليش بعذابي تسعين
وربعي وقت الحلو صاروا تسعين
وبويا ليش من بعد عام تسعين
كلهم مامروا عليه
يارايح هاك كتابي وياك وصلة
عالمدري هله واعمامة منين واصلة
كله الكلب بجفاك صار 12 وصلة
كل وصلة تكول جيبه الية
بعد لاتظن اراسلهم وصلهم
بسبب لن جان قطعو وصلهم
ارخصك هل العاذل وصلهم
انتهيت بعد لايمرون بيه
بيتنا بيت الحب والمحنة
بيتنا صابئة واكراد وشيعة وسنة
بيتنا بيت علم وفن وغنة
بيتنا بيت الشوك والحزن والمونة
بيتنا من الشرق للغرب كلة عراقنة
بيتنا عمرة مافرقتة الشيعة والسنة
بيتنا من الشمال للجنوب كلة محبة
بيتنا اطيب واحلى واغنى دولة
بيتنا بيت الحظارات والفرات ودجلة
بيتنا بيت الكرم والضيافة والدلة
بيتنا شمعة ونور المحلة
بيتنا بيت الحب والانين
ضل نصلي وندعي ونكول امين
نتمنة يوم رجعة العراق أمين
دور في العراق قد أضحت خرابا
وجثت هامدة تتوق إلى التـرابـا
وشباب غضٌ أدرج في القـبور
وآخر إعترته الأوجاع والأوصابـا
وشيوخ إنتفضت مرة صـبرهـم
فبكوا مـن الرّزء وغدر الصحابـا
ونائحات قد سحّت جفونهـم
يبكين شـرفاً وعـرضاً مـصابـا
وطفولة تفرقت بهـا السـبل
عن حدب حنونُ ومشـبلُُُُ كعابـا
فغدت تهيم في الطرقات ثنهش
شها الضوارى وتقضمُها الذئـابـا

اشعار عراقية وطنية 2013



آخر مواضيعي

0 قصة حقيقية للجن
0 +18 .. فقط ... قصه حقيقيه حدثت في شمال العراق في 4\1\1998
0 طز بالسينما. وفرو فلوسكم ~> ادخل ولن تندم
0 مساابقة نوع جديد خاصة لزوار المنتدى والشات من سوبر
0 محافظة الموصل تسقط للمرة الثانية 2014.6.10
0 شعر عراقي عن الوضع فلعراق
0 طيارة عراقية صنعت في المنزل في محافظة نينوى
0 تاريخ الفاجعه 15-5-2014
0 السيارات بلصيف
0 موقف رهيب
0 الإخوة المتزوجين والمتزوجات
0 نكات الفين وفد شوية
0 شعر حزين روعه جديد وحصري
0 ابوذيات حزينة
0 مسح جميع رسائل الفيس بوك

 
  رد مع اقتباس
إضافة رد

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
شعر شعبي عراقي 2013 3allaszead الشعر الشعبي العراقي واشعار شعبية عراقية 0 02-11-2013 01:08 AM
احدث النكت للعراقيين نكت محششين عراقين 3allaszead نكت عراقية جديدة - نكت عربية مضحكة 2016 0 02-06-2013 07:20 PM
تحميل اغنية سيف عامر انت عراقي Mp3 IRAQNA اغاني عراقية Mp3 , اغاني عراقية جديدة 2016 0 02-02-2013 02:47 PM
جديد تحشيش عراقي يخرب ضحك - احلى النكت للعراقيين IRAQNA نكت عراقية جديدة - نكت عربية مضحكة 2016 0 12-29-2012 09:43 PM


الساعة الآن 08:48 PM.


Powered by vBulletin® Version 3.8.7
Copyright ©2000 - 2016, vBulletin Solutions, Inc.
SEO by vBSEO Trans by

Disclaimer: This site does not store any files on it's server. We only index and link to content provided by other sites المواضيع المكتوبة في منتديات عراقنا لاتعبر بالضرورة عن رأي الإدارة وإنما تعبر عن وجهة نظر كاتبها